Пребарувај по датум:
2011-10-25

Кликнете „лајк“ за да донирате 1 денар

Деновиве започна хуманитарната акција „Разбудете се хумани 3“, во организација на Дормео и Црвен Крст Скопје.

Во следните неколку недели, секој може да го донира својот користен душек и да купи нов со попуст и бесплатна достава. Користениот душек ќе биде дезинфициран и дониран во соодветна установа.
Новина оваа година е донацијата на Дормео за Здружението за цистична фиброза.
Со секој „лајк“ на нивната Фејсбук страница донирате 1 денар за купување на апарат за децата заболени од цистична фиброза.
Кликнете лајк на www.facebook.com/DormeoMK и донирајте!
Видео: http://www.youtube.com/watch?feature=player_embedded&v=679zwXDE28g

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.