Пребарувај по датум:
2022-08-26

ЈАВЕН ПОВИК ЗА АПЛИКАЦИИ ЗА УЧЕСТВО ВО ПРОГРАМ ЗА МИГРАЦИИ ,,Хуманитарен аспект на мешани миграциски текови”

  • Ако си млад/а и мотивиран/а да учиш…
  • Ако твоето поле на интерес се миграции и хуманитарни итности…
  • Своето образование и кариера размислуваш да ги насочиш на различните аспекти кои ги нудат миграциските текови и хуманитарни итности…

…погледни го јавниот повик на Црвен крст на град Скопје… 👇🏻

Краток опис

Програмот за миграции е наменет за млади од РСМ кои имаат предзнаења од областа на правните аспекти од полето на миграциите или основно ниво за поимање на областа т.е. интерес за изучување на областа со посебен акцент кон хуманитарниот аспект на миграциите.

Низ неколку дневен теориски и реален приказ на комплексноста на мигрантските кризи и текови, учесниците ќе имаат можност да зајакнат и/или стекнат основни знаења од областа на миграциите односно хуманитарната итност која ја иницираат. На школата ќе се презентираат домашните политики, институции и организации кои имаат своја улога во уредување и справување со миграциските текови. Учесниците ќе биде сензитивизирани за потребите и ранливоста на мигрантите. Конечен осврт ќе биде даден кон мигрантската криза во РСМ во периодот 2015-2020 година.

Сите чесниците ќе се стекнат со сертификат за учество и ќе имаат можност за идно вклучуање во активности на Црвен крст на град Скопје поврзани со темата.

Сите трошоци во врска со учеството (транспортот, храна, сместување и материјали) ќе ги покрие организаторот т.е. Црвен крст на град Скопје.

Програмот е подджан и финансиран од страна на Швајцарскиот Црвен крст, Швајцарската Агенција за Развој и Меѓународната Федерација на Црвен крст и Црвена полумесечина.

Период

 03-07 Октомври, 2022

Место

 х.Солферино, Струга https://www.ckgs.org.mk/centar/centar-solferino/

Право на учество

Млади на возраст од 18-25г. од РСМ, ученици и/или студенти во средно или високо образование со предност на оние од правните училишта и факултети и/или ученици и студенти кои сепосетуваат предметни програми од областа на миграции, безбеднот, право, политички науки и сл.

Начин на аплицирање

Испратете своја кратка биографија (CV) и форма за пријавување на следните адреси: skopje.socijala@redcross.org.mk и skopje@redcross.org.mk со наслов: Апликација за Програм за Миграции. Краен рок за пријавување: 18ти Септември 2022г.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.