ЈАВЕН ПОВИК ЗА АПЛИКАЦИИ ЗА УЧЕСТВО ВО МЕЃУНАРОДНА ШКОЛА ЗА МИГРАЦИИ ,,Хуманитарен аспект на мешани миграциски текови”

• Ако си млад/а и мотивиран/а да учиш…
• Ако твоето поле на интерес се миграции и хуманитарни итности…
• Своето образование и кариера размислуваш да ги насочиш на различните аспекти кои ги нудат миграциските текови и хуманитарни итности…

…погледни го јавниот повик на Црвен крст на град Скопје…

Краток опис

Меѓународната Школа за Миграции е наменета за млади кои имаат предзнаења од областа на правните аспекти од полето на миграциите или основно ниво за поимање на областа т.е. интерес за изучување на областа со посебен акцент кон хуманитарниот аспект на миграциите.

Низ неколку дневен теориски и реален приказ на комплексноста на мигрантските кризи и текови, учесниците ќе имаат можност да зајакнат и/или стекнат основни знаења од областа на миграциите односно хуманитарната итност која ја иницираат.

Учество во школата покрај претставници од Република Северна Македонија ќе земат претставници од 10 држави и тоа: Србија, Црна Гора, Босна и Херцеговина, Албанија, Бугарија, Хрватска, Грција, Италија, Норвешка и Русија.

Учесниците ќе се стекнат со сертификат и ќе имаат можност за идно вклучуање во активности на Црвен крст на град Скопје поврзани со темата.

Сите трошоци во врска со учеството (транспорт, храна, сместување и материјали) ќе ги бидат покриени од страна на организаторот т.е. Црвен крст на град Скопје.

Активноста е подджана и финансирана од страна на Меѓународната Федерација на Црвен крст и Црвена полумесечина.

Период

17-21 септември, 2023

Место

Центар за едукација Солферино, Струга

Право на учество

• Млади на возраст од 18-25г.
• Студенти и/или ученици инволвирани во образовен процес во општествените науки. Предност при селекција ќе имаат кандидатите од правните факултети и училишта и/или предметни програми од областа на миграции, безбедност, право, политички науки и сл.
• Меѓународната Школа за Миграции ќе се спроведе на англиски јазик. Сите учесници се очекува да имаат добро познавање на пишан и говорен англиски јазик, за што организаторот го задржува правото при селекција на кандидатите да реализира дополнителна проверка на јазичните вештини.

Начин на аплицирање

Испратете своја кратка биографија (CV) и форма за пријавување на англиски јазик на следните адреси: skopje.socijala@redcross.org.mk и skopje@redcross.org.mk со наслов: Меѓународна Школа за Миграции.

Краен рок за пријавување: 20ти Август 2023г.