ИТНО КОПЧЕ

Во просториите на Пензионерскиот клуб Влае, промовирана беше услугата „Итно копче“, наменета за постари лица кои живеат сами и за лица со попреченост кои живеат во домашни услови.

Услугата е воспоставена преку соработката меѓу Црвен крст на град Скопје и Општина Карпош , во рамки на проектот „Healthy Aging and Home Help Services“, со финансиска поддршка од Швајцарски црвен крст.

Со само едно притискање на копчето, корисникот добива пристап до:

24-часовна поддршка од обучено лице

советодавна и психо-социјална помош проценка на ситуацијата и, по потреба, организирање соодветна итна интервенција.

Сите заинтересирани лица кои ги исполнуваат условите од јавниот повик можат да се пријават на:  02/15330

Одбележан Светскиот ден на првата помош

Црвениот крст на град Скопје, под мотото „Прва помош и миграции“, го одбележа Светскиот ден на првата помош во ТЦ Табановце, ХСТ Лојане и ПТЦ Винојуг – Гевгелија, во рамки на активностите за поддршка на лицата во движење.

На присутните им беа дистрибуирани пакети со основни средства за прва помош, како и информативни материјали на повеќе јазици. Беа реализирани и практични демонстрации за правилно реагирање во итни ситуации, згрижување на рани и повреди и основни постапки за давање прва помош.

Преку оваа активност, имаа можност да се запознаат со важноста на навремената и соодветна реакција во итни ситуации и да стекнат практични знаења кои можат да спасат живот.