ХУМАНИТАРЕН ТУРНИТ ВО ОДБОЈКА – ПОЧЕТОК НА НОВ ПРОЕКТ ЗА ЛИЦАТА СО ОШТЕТЕН ВИД

Во недела на 22.06.2014 во спортскиот центар Форца се оддржа хуманитарен турнит во одбојка на песок, во организација на компанијата Тотал Бренд и Црвен крст на град Скопје. На настанот учество земаа познати девојки од македонската сцена и со секој поен се оствари донација на сокови.

Околу еден тон сокови ќе бидат донирани за бездомниците кои редовно се згрижуваат во пунктот на Црвен крст на град Скопје во Момин Поток и социјално загрозените семејства. На овој настан официјално беше промовирана соработката на компанијата Тотал Бренд и Црвен крст на град Скопје во имплеменетација на седум месечниот проект „Создаваме заедно“ посветен на лицата со оштетен вид т.е. учениците од училиштето за лица со оштетен вид. Свое обраќање на настанот имаше директорот на ДУРДМОВ „Димитар Влахов“ кој се повика на Меморандумот за соработка склучен со Црвен крст на град Скопје со што ја потенцираше досегашната соработка помеѓу овие две институции. Настанот го водеше Жаре – Еден на Еден и спортскиот коментарот Атанас Костовски, а го обезбедуваше екипа по прва помош на Црвен крст на град Скопје.