Ги развеселивме децата сместени во малите групни домови со рачно изработени чаршави од нашите волонтери

Црвен крст на град Скопје преку работилницата за работна интеграција на ранлива категорија граѓани КОПЧЕ, во согласност со претходно поставената цел за ефикасно искористување на вишокот облека заради придонес во зачувување на животната средина реализираше активност преку кои беа изработени чаршави. За активноста за шиење претходеше обука од страна на стручно лице за кроење и шиење на чаршави од материјали за реупотреба. 5 жени вработени и волонтери ја поминаа обуката. По обуката континуирано се изработуваа чаршави во пачворк техника. Материјалите кои се користеа беа од облеката која изминатиов период ја донираа граѓаните. За оваа активност се изработени 25 чаршафи и истите се донирани во малите групни домови каде се сместени деца во социјален ризик.