Пребарувај по датум:
2018-06-30

Едукативни работилници

Во рамки на ЕУ проектот„Создаваме заедно – Мониторинг и застапување на заедницата“, финансиран од ЕУ во соработка со фондација “Конрад Аденауер”, а во имплементација на Здружение на правници на РМ и НВО Атина од Р. Србија , преку Црвен крст на град Скопје,во текот на месец Мај, реализирани беа 10 работилници во средни училишта во кои Црвен крст на град Скопје има училишни клубови за едукација и превенцијаи во ООЦК на територија на град Скопје.

Преку унифицирана презентација појаснети беа поимите мигранти, бегалци, причините за напуштање на домот. Акцент се стави на улогата на Црвен крст на РМ во мигрантската криза, како и на предностите, недостатоците и препораките за справување со идни предизвици. За младите посебно беше важно да се нагласни потребата од недискриминација и прифаќање на различности, бидејќи токму младите се оние кои треба да ја пренесат позитивната порака меѓу своите врсници, блиските во опкружувањето и семејствата.

Темата наиде на одличен прием кај членовите на РО во општинските организации на Црвен крст, вработените, кај соработниците, младите. Преку работилниците, во оваа фаза опфатени беа 260 лица.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.