Пребарувај по датум:
2026-07-28

Едукативна посета на Меморијалниот центар на холокаустот на Евреите од Македонија

Во рамки на програмските активности на Дневниот престој за стари лица за активно стареење, корисниците реализираа едукативна посета на Меморијалниот центар на холокаустот на Евреите од Македонија.

Посетата им овозможи на присутните да се запознаат со историските настани поврзани со холокаустот, за еврејската заедница во Македонија и значењето на зачувувањето на историското паметење. Преку стручно водство и музејската
поставка, корисниците имаа можност да стекнат нови знаења, да разменат мислења и да разговараат за важноста на толеранцијата, почитувањето на различностите и човековите права.

Ваквите едукативни и културни активности претставуваат значаен дел од програмата за активно стареење, бидејќи придонесуваат за доживотно учење, социјална вклученост и поттикнување на активното учество на повозрасните
лица во заедницата.

Посетата помина во пријатна атмосфера, оставајќи силен впечаток кај сите присутни и потсетувајќи на важноста од негување на културата на сеќавање и мир.



Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.