Државна Лотарија и Црвен крст со заедничка хуманитарна акција за поддршка на ранливи категории

Во рамки на заедничката хуманитарна акција за поддршка на ранливи категории, во изминатиов период поделени беа 700 пакувања со суплементи (минерали и витамини) и тоа на лицата сместени во Домот за стари лица Мајка Тереза и ЈЗУ Специјализиран болница за геријатриска и палијативна медицина 13 Ноември – Скопје, на згрижувачите кои згрижуваат деца без родителска грижа, како и на корисниците на социјалните сервиси на Црвен крст – Дневен центар за стари лица и центар за давање помош во домашни услови по повод Меѓународниот ден на старите лица.

Активноста е поддржана од Државна Лотарија преку издојување на процент од продажбата на инстант лозовите „Еко скутер” во пакет „Среќа плус”  .

Целта на оваа дистрибуција е да обезбедиме грижа , поддршка и здравствена заштита на лицата во трето доба како ранлива категорија на граѓани погодени од КОВИД- 19. Истата ќе продолжи и наредните месеци, преку поддршка за различни целни групи.