2025-05-30

Ден на згрижувачи

Во соработка со ЈУДетски дом ,,11 Октомври” – Скопје го одбележавме 1 Јуни, Денот на згрижувачи. Настанот беше осмислен како пикник со многу забава и дружење со децата. Ангажирани беа аниматори кои со содржините кои ги нудеа успеаа да им го задржат вниманието , им ги цртаа лицата и придонесоа да имаат весел ден со многу искрени насмевки . Едукаторот Војо имаше свое шоу, а присутните имаа можност да слушнат интересни приказни за дел од жителите на Зоолошка. Посебен акцент секако се стави на хуманоста на згрижувачите како позитивни примери во нашето општество. Голема благодарност упатуваме до нашите соработници Skopje Mаrriott Hotel кои се вклучија во организација како и на нашите пријатели од Зоолошка градина – Скопје . Заедно со нив и нивниот општествено одговорен пристап се грижиме за заедницата и даваме континуирана поддршка на многу целни групи.

Принципи

Хуманост

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Единство

Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.

Универзалност

Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.

Доброволност

Тоа е движење за давање на доброволна помош кое не е инспирирано од материјални побуди.

Неутралност

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Непристраност

Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.

Независност

Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.