ЦРВЕНИОТ КРСТ НА ГРАД СКОПЈЕ СЕКОЈДНЕВНО ВО АКЦИЈА

Црвениот крст на Скопје навреме ги направи сите подготовки за дејствување при високи температури.  Мобилните екипи на Црвениот крст на град Скопје беа присутни по улиците каде се движат голем број на луѓе, автобуските постројки, пред здравствените установи, пазарите и сл.

Тие на граѓаните им делеа флаери како да се заштитат од високите температури (поделени 3 500 флаери),  минерална негазирана вода (1 100 шишиња), а на голем број наши сограѓани мереа крвен притисок. Посебно се грижеа за старите и изнемоштените лица кои се нашле на улица. Во секоја од мобилните екипи имаше и лекар.

Во изминатите денови голем беше интересот на средствата за јавно информирање за активностите на Црвениот крст, па често бевме присутни како во пишаните медиуми така и во електронските медиуми. Со ова помогнавме за навремено и точно информирање на сите наши граѓани за полесно справување со високите температури кои ја зафатија нашата земја. Активностите на овој план продолжуваат и понатаму. Мобилните екипи ќе бидат на терен доколку тоа го бараат временските услови.

Нашето внимание посебно ќе биде насочено и кон информирање на граѓаните како да се заштитиме од шумските пожари кои претставуваат голема закана во овој период од годината, и совети за безбеден престој во планина во летниот период, со акцент на парк шумата Водно, за што е изготвен информативно пропаганден материјал – флаер кој е дистрибуиран меѓу граѓаните на Скопје.
На овој начин уште еднаш се вклучуваме со наш придонес во ублажување на состојбите на терен кои секако претставуваат голема закана за нашето опкружување.a