Црвен крст и Американска амбасада во поддршка кон заедницата

Деветата Крводарителска и прехранбено собирна акција организирана во соработка со Американската амбасада заврши со одлични резултати. Рекордни 376 крводарители даруваа крв и на тој начин ја покажаа својата хуманост и дадоа допринос за заедницата. Се собра голема количина на храна и облека наменета за целните групи кои Црвениот крст на град Скопје ги поддржува во текот на целата година. Во акцијата беа вклучени 10 волонтери од Црвениот крст на град Скопје-Клуб 25, 10 волонтери од Црвениот крст Чаир, 15 професионалци од Институтот за Трансфузиона медицина и 10 преофесионалци од Црвениот крст. Ова година придонес во акцијата дадоа и Американските катчиња во Скопје, Тетово, Штип, Битола и Струга каде исто така беа организирани собирни акции. Традиционално на акцијата крв даруваа Американскиот Амбасадор г. Џес Бејли и Генералниот секретар на Црвениот крст на РМ г. Саит Саити. Благодарност до сите сите кои на било каков начин се вклучија во реализација на овој настан.