2023-12-26

CocaCola и Црвен крст во предновогодишна соработка

Во пресрет на празниците CocaCola и Црвен крст потпишаа договор за соработка и поддршка на најранливите категории на населние во корелација со McCann. Во тек е подготовка на прехранбени пакети за семејства во социјален ризик. Во меѓувреме волонтерите и вработените на Црвен крст на град Скопје, Битола, Струмица и Охрид се приклучија на новогодишниот караван на CocaCola за да бидеме поблиску до граѓаните и да се споделат локалните сервиси и активности на Црвениот крст.

Принципи

Хуманост

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Единство

Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.

Универзалност

Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.

Доброволност

Тоа е движење за давање на доброволна помош кое не е инспирирано од материјални побуди.

Неутралност

Непристраност

Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.

Независност

Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.