АКТИВНОСТИ НА ЦК НА ГРАД СКОПЈЕ И ООЦК НА ТЕРИТОРИЈА НА СКОПЈЕ ВО ЦЕНТРИТЕ ЗА ДЕЦА СО ЦЕРЕБРАЛНА ПАРАЛИЗА
Во рамките на проектот поддржан од Комерцијална банка, на територија на град Скопје беа реализирани две активности.
Едната од нив беше обуката по прва помош и истата ја следеа девет вработени и волонтери од центрите во Капиштец и Автокоманда.
После секоја тематска единица следуваше практичен дел за увежбување на техниките по прва помош (користење на прирачни и стандардни средства, реанимација, странична положба, анти-шок положба, преврски со завои, преврски со тријаголни марами, имобилизација, помош при ненадејни нагли заболивања како епилепсија, мозочен удар, градна болка, хипогликемија…).
За потребите на двата центри беа дадени два пакета со санитетски потрошен материјал и кутија ракавици Учесниците за време на обуката и практичните вежби активно дискутираа и ги изложуваа своите искуства во справување со одредени ситуации специфични за нивната категорија на штитеници.
Во насока на разубавување на просторот во кој секојдневно присуствуваат штитениците, а со поддршка на волонтерите од клубовите на млади, беа засадени цвеќиња и беше разубавен просторот во центрите.
Во активноста се вклучија и самите штитеници кои поминаа убаво, организирано време за дружење со волонтерите кои и понатаму ќе бидат поддршка за заеднички активности насочени кон оваа целна група.
