Активен 5 декември

Секоја година го одбележуваме и чествуваме 5 декември, Светскиот ден на волонтерството со активности преку кои го уважуваме трудот и вложеното време на секој еден волонтер кој придонесува за добробит на заедницата и корисниците.

Оваа година, на 5 декември беше организиран волонтерски настан за учениците во училиште ОУРЦ Др. “Златен Сремец”. Вкупно 30 волонтери и вработени од Црвен крст на град Скопје и 5-те ООЦК, поделени во два тима, поминаа неколку активни часа во училиштето, со и за учениците.

Едната група имаше креативна работилница со учениците на која се изработуваа лампиони за Нова година.

Втората група спроведе еколошка акција која имаше за цел разубавување просторот каде учениците поминуваат најмногу време, се засадија дрвца, цвеќиња, се постави клупа и корпа за отпадоци.

Заедно можеме повеќе