Пребарувај по датум:
2018-04-21

5 = 9 369

Пред точно 5 години (18 април 2013 година), како чекор понапред во процесот на унапредување на крводарителството на територија на град Скопје, отворен беше Дневниот центар за дарување крв „Нова локација за вашата хуманост“. Во наменски адаптирана просторија во склоп на ДХО Даре Џамбаз, во убаво и топло опкружување, крводарителите имаат можност својата хуманост преку чинот на крводарување да ја покажат секој работен ден 10:00-17:00 часот и сабота од 09:00-14:00 часот.
Од отворањето па се до денес, согласно работното време, во просториите на Центарот присутна е екипа од Институтот за трансфузиона медицина како и социјален работник ангажирани од Црвен крст на град Скопје. Дневниот центар за дарување крв, примарно е место каде потенцијалните крводарители може да даруваат крв, но и да се дружат, разменат идеи и искуства и да добијат корисни информации за крводарителството. Работењето на Дневниот центар е поддржано од Алкалоид Скопје
Честитки за јубилејот, честитки за реализираните 9 369 единици крв, со надеж дека дневниот центар за дарување крв и во иднина ќе остане препознатлива локација за вашата хуманост.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.