Пребарувај по датум:
2025-10-14

10 Октомври – Светски ден на менталното здравје

Kорисниците на социјалната услуга „Дневен престој за стари лица за активно стареење“ учествуваа на интерактивна работилница посветена на психичката добросостојба и справување со стресот.

Под водство на психологот Јана Зенговска, се отвори искрена дискусија за секојдневните предизвици и емоционалните потреби на лицата во златните години.

Преку практични вежби и техники за релаксација, учесниците научија како да ги препознаваат и контролираат стресните ситуации, како и да се грижат за своето ментално здравје.

Целта на активноста беше да се подигне свеста за значењето на психолошката поддршка и да се поттикне позитивен пристап кон менталното здравје, како клучен дел од квалитетниот и достоинствен живот во третото доба.

Да не заборавиме – менталното здравје е еднакво важно како и физичкото. Да се грижиме еден за друг.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.