Учество во вежба организирана од ЦК Телемарк-Норвешка

Во период од 15-18 Февруари , четричлена екипа од Црвениот крст на град Скопје –Тим за спасување на планина, зеде учество на вежба во Норвешка организирана од страна на Црвен крст Телемарк  и Норвешката полиција.
Вежбата се одвиваше во планински предел  со примарна цел  пребарување и спасување на лица од Лавини.
На две симулациони точки преку ангажирање на Единиците за пребарување и спасување на ЦК заедно со Полициските сили  поддржани од  дресирани кучиња, најпрвин се вршеше лоцирање ( пребарување на теренот со сите расположливи средства) и укажување на Прва помош  на повредените. Дел од нив беа евакуирани со хеликоптери на Полиција и Крајбрежна гарда.
Екипата на Црвениот крст на град Скопје  зеде активно учество во подготовките на вежбата и како дополнителна  екипа  на  First Responders.