Волшебна елка на желби 3

Новогодишната елка на желби ги исполни сите 79 детски желби на децата без родителска грижа сместени во згрижувачки семејства.

Откако желбите беа поставени на елката во ТЦ Рамстор, волонтерите на клубот на млади на ЦК на град Скопје беа дежурни покрај елката и се погрижија да се остварат сите детски барања.
Доделувањето на подароците беше на 30. 12.2011 год., повторно во просториите на ТЦ Рамстор, каде беше присутен Министерот за труд и социјална политика г. Спиро Ристовски, Генералниот секретар на ЦК на РМ, претставници од центарот за социјална работа и дел од донаторите и граѓани кои со лични донации се вклучија во исполнувањето на детските соништа.
За доброто расположение се погрижија малите ѕвездички од Супер ѕвезда кои донираа и ДВД изданија за дечињата, Геопром донираше мултивитамински сирупи, а ЦК на град Скопје обезбеди и пакетчиња за секое дете.
Се надеваме дека со оваа традиционална активност внесуваме радост кај секое дете во пресрет на Новата година , период кога најмладите веруваат во остварување на нивните детски желби и соништа.
Активноста е поддржана и од а.д. Комерцијална банка, во рамките на проектот за социјализација на деца и млади со посебни потреби.
Огромна благодарност и до ТЦ Рамстор, наши партнери и поддржувачи на активноста.