Злато за Скопје

Екипата по Прва Помош на Црвен крст на град Скопје го освои златото на натпреварот по Прва Помош на екипи од главните градови на земјите од Југоисточна Европа.

Натреварот се реализираше во Букурешт, а ова за нас е второ злато на оваa категорија натпревар. Првиот златен медал го освоивме во 2007 година и сега – 2011 година.
Балканскиот натпревар е натпревар по прва помош помеѓу главните градови во Југоисточна Европа . Настанот е инициран пред 6 години, кога за прв пат Белград беше домаќин на настанот.
Потоа следуваат натпреварите во организација на домаќините- Софија, Скопје, Љубљана, Подгорица, Тирана, Букурешт. Наредната година Сараево ке биде домаќин на натпреварот.
Последните шест месеци екипата имаше подготовки по прва помош и англиски јазик. Група на лекари, ентузијасти ја подготвуваа екипата со цел остварување на најдобри резултати.
Тоа и се случи. И уште еднаш се потврди дека колку вложуваме толку подобри резултати покажуваме.