Пребарувај по датум:
2011-04-10

Проекти за најмладите

Црвениот крст на град Скопје оваа година, 07ми Април – Денот на здравјето го одбележа со започнување на два проекти од областа на здравствената дејност.

Едниот проект се однесува на Психосоцијална поддршка на деца со вродени срцево садови заболувања и нивните родители и подигање на свеста на населението за поддршка на овие деца.

Во рамки на овој проект партнер на Црвениот крст е Кардиохирургија Филип Втори.

Другиот проект се однесува на Прва Помош во градинките и исиот подразбира едукации на децата на возраст од 5-6 години и како и на воспитниот кадар за значењето на првата помош.
И двата проекти беа успешно реализирани и минатата година. Резултатите кои ги постигнавме и на двете полиња, покажаа дека истите треба да продолжат да создаваат позитивни промени во заедницата во која живееме.
Ваквата потреба ја препозна компанијата “Кореа Ауто Трејд” – ексклузивниот дистрибутер за возила и резервни делови на Hyundai Motor Company за Р.Македонија, како сега повеќегодишен соработник на Црвениот крст.

Покрај многуте заеднички реализирани проекти со сеуште единствениот дистрибутер на автомобили во Македонија кој е активен учесник во реализација на хуманитарни активности, оваа година токму заедничката соработка за реализација на двата предвидени проекти ќе се реализира со финансиско учество и од страна на Кореа Ауто Трејд.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.