Пребарувај по датум:
2010-10-16

Крводарителска и собирна акција во Амбасадата на САД

На 14.10.2010 год. во Амбасадата на САД во Скопје во соработка со Црвениот крст на град Скопје втора година по ред се организираше крводарителска и собирна акција на прехранбени продукти во рамки на кампбањата за денот на гладта “Помислете и на нас„.

Со собрани вкупно 117 крвни единици и голема количина на храна акцијата  ги надмина очекуваните резултати.

Акцијата ја поздравија американскиот амбасадор Филип Рикер, генералниот секретар на Црвениот крст на Р. Македонија и претседателот на Собранието на Р. Македонија Трајко Вељановски.

„Овој настан немаше да биде толку успешен без учество на групи од сите националности, религии и политички уверувања. Со оваа акција гледаме колку навистина можеме да постигнеме кога ќе се здружиме“, изјави Филип Рикер амбасадор на САД.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.