Пребарувај по датум:
2010-09-27

Деветнаесети државен натпревар по прва помош

На 25ти септември, во периодот од 09:30 до 17:00 часот, се одржа Деветнаесетиот државен натпревар по прва помош чиј домаќин беше Црвениот крст на град Скопје.

Четиринаесет бази на две траектории за натпреварување беа лоцирани на Плоштад Македонија, Скопската чаршија, кај споменикот на Скендер Бег, Жена парк и Градски Трговски Центар, каде 25 најдобри екипи од целата држава имаа можност да укажат третман на повредените во одлично исценирани итни ситуации.

Првото место за најподготвена екипа по прва помош го зема екипата од ООЦК Кисела Вода. Второпласирана беше екипата од ООЦК Карпош, а третото место и припадна на екипата од ООЦК Центар.Натпреварот претставуваше одлична можност за сите екипи да ги потврдат своите знаења по прва помош и да се забавуваат.

 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.