Пребарувај по датум:
2010-08-06

Традиција во името на хуманоста и солидарноста

По повод Денот на солидарноста 26 Јули, Црвениот крст на град Скопје во соработка со Републичкиот завод за Трансфузиологија ја организира традиционалната крводарителска акција, која оваа година беше организирана во Домот на АРМ од 9.00 – 17.00 часот

Благодарение на добрата организација и подготвеност одзивот на граѓаните беше масовен. До 17.00 часот крв даруваа 184 крводарители ,а за голема пофалба е големиот број на граѓани кои за првпат  даруваа крв (30 првократни дарители).
За време на самата крводарителна акција организацијата Доктор на годината додели награди Доктор – хуманист и Доктор-активист во невладиниот сектор. Наградите ги врачи Проф.Др.Миодраг Врчаковски . По повод Денот на солидарноста Црвен крст на Република Македонија додели јубилеен знак 65 години Црвен крст на Република Македонија на најистакнатиот волонтер на територијата на Скопје и на Советот на град Скопје, како најголем подржувач на активностите на оваа организација.Ваков јубилеен знак добија и најистакнатите волонтери од општинските организации и најголемите подржувачи на нивната работа.Ј убилејните знаци ги врачи Генералниот Секретар на Црвен крст на Република Македонија Г-н Саит Саити.
Добрата соработка на Црвен крст на град Скопје со Кореја Аутотрејд резултира со нивната донација на 50 фудбалски топки на Денот на солидарноста.Топките беа наменети и дистрибуирани во СОС детското село ,Домот за деца без родители-11 Октомври, Дневен центар – Порака и на деца од згрижувачки семејства.

 

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.