Дисеминација за пензионери

Клубот на пензионерите „Јане Сандански” Аеродром се почесто е место на средби на пензионерите со најразлични содржини од кои во прв ред се културно-забавните, литературни и информативните.

Во рамките на традиционално добрата соработка  и ново потпишаниот договор за соработка помеѓу Црвениот крст и Здружението на пензионери, на 10 декември 2008 година се одржа Дисеминациска сесија за пензионерите во Клубот.
Сесијата според свој редовен план ја организираше Активот на жените пензионерки. Во присуство на педесетина пензионери, дисеминациската сесија ја реализираше стручниот соработник во Црвен крст на Град Скопје. Сесијата претставуваше  композиција од воведно предавање поддржано со видео презентации и филмувани стории, и ги предизвика слушателите на интерактивно учество во сесијата. Пензионерите зборуваа за своето волонтерско искуство во младоста. Зборуваа за големата потреба од зајакнување на Движењето на Црвениот крст насекаде низ светот, а дел од нив предложија иницирање  нови целни предавања за оспособување за намалување на ризиците од модерните закани и катастрофи. Сите присутни пензионери топло се заблогадарија за соработката со Црвениот крст на Град Скопје, со желби за продолжување и продлабочување на истата.