Здравствено – едукативни работилници

Во текот на септември 2026 година во рамки на проектот „Куќа на можности за ранливи и маргинализирани индивидуи во Северна Македонија“, беа реализирани две од вкупно десет предвидени здравствено – едукативни работилници: „Хигиена, здравје и грижа за себе“ и „Заштита од топлотен бран“.

Првата работилница беше насочена кон зголемување на знаењата на учесниците за важноста на личната хигиена како фактор кој придонесува за подобро здравје и благосостојба. Дополнително, беа охрабрени да ги користат капацитетите на пунктот за бездомни лица, кои овозможуваат одржување на личната хигиена.

Втората работилница имаше за цел да укаже на здравствените ризици поврзани со топлотен бран, особено во урбана средина. Лицата кои се соочуваат со бездомништво поголемиот дел од времето го поминуваат на отворен простор и од големо значање е да бидат едуцирани за овој фактор на ризик по сопственото здравје.

Овој проект е поддржан од Empress Shôken Fund.