Пребарувај по датум:
2026-07-09

Препораки за заштита при топлотен бран!

Во периоди на високи температури, важно е да се грижиме за сопственото здравје и за луѓето околу нас.

✅Пијте доволно вода во текот на денот, дури и ако не чувствувате жед.

✅Избегнувајте престој на сонце во периодот од 11:00 до 17:00 часот.

✅Носете лесна, светла и памучна облека, капа и очила за сонце.

✅Користете крем со заштитен фактор.

✅Јадете лесна храна – овошје, зеленчук и оброци кои не го оптоваруваат организмот.

✅Одржувајте ги просториите разладени – затворете ги прозорците и ролетните во најтоплиот дел од денот, а проветрувајте рано наутро или навечер.

✅Ограничете ја физичка активност во текот на денот.

✅Никогаш не оставајте деца, стари лица или домашни миленици во паркирано возило, дури ни на кратко.

✅Посветете внимание на повозрасните лица, хронично болните и малите деца – тие се најранливи на високите температури.

🚨Доколку почувствувате силна главоболка, вртоглавица, гадење, забрзано чукање на срцето, висока телесна температура или губење на свеста, веднаш побарајте медицинска помош.

Грижете се за себе и за другите!!!

Превенцијата е најдобрата заштита!!!



Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.