Пребарувај по датум:
2026-04-30

Студиска посета во БиХ

Во рамки на активностите за зајакнување на регионалната соработка и размена на искуства, претставници од Црвен крст на град Скопје реализираа студиска посета на Црвен крст на Босна и Херцеговина. Посетата беше насочена кон споделување добри практики, унапредување на капацитетите и продлабочување на соработката, со посебен фокус на користење на дигитални алатки како KOBO системот.

За време на посетата беа презентирани искуства и активности поврзани со поддршка на бегалци и мигранти, управување со податоци и примена на дигитални решенија во хуманитарното делување. Преку интерактивни сесии и практична работа, учесниците имаа можност да разменат знаења, да ги идентификуваат предизвиците и да дискутираат можности за унапредување на процесите. Посебно беше истакната важноста на континуирана обука, техничка поддршка и редовна размена на искуства меѓу националните друштва.

Активноста е реализирана во рамки на проектот „Глобална програма за миграција долж миграциските рути“, поддржан од Меѓународната федерација на Црвен крст и Црвена полумесечина.



Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.