Црвен крст на град Скопје – Донирај облека, подари надеж

Црвен крст на град Скопје континуирано работи на креирање поефикасен систем за менаџирање со донирана облека. Овој систем го опфаќа целиот процес што едно парче облека го поминува – од донација од страна на граѓани и компании, преку селекција
на пунктови, па сè до дистрибуција до крајните корисници: граѓани и институции на кои им е најпотребна.

Со цел да се олесни пристапот за донирање, поставени се повеќе контејнери на следните локации:

• 2 контејнери во Црвен крст Карпош – ул. „Орце Николов“ бр. 155в
• 2 контејнери пред Хуманитарен дом „Даре Џамбаз“ – ул. „11 Октомври“ бр. 42а
• 1 контејнер пред Црвен крст Гази Баба – ул. „Антон Попов“ бр. 26
• 1 контејнер пред Црвен крст Чаир – ул. „Павле Илиќ“ бр. 1
• 1 контејнер пред Општина Кисела Вода
• 1 контејнер во Градско собрание

Истите се празнат еднаш во текот на денот.

Дополнително, облека може да се донира и во:

• Магацинот на Црвен крст на град Скопје (Момин Поток), секој работен ден од 08:00 до 16:00 часот
• „Копче“, секој работен ден од 08:00 до 17:00 часот и сабота од 09:00 до 14:00 часот
  
  Копче / Kopche

Облеката што се донира треба да биде чиста, испрана и во употреблива состојба, за да можеме заедно да го живееме нашиот слоган:

„Дајте ѝ втора шанса на вашата облека .“

Ве очекуваме!

Заедно во хуманоста и солидарноста.