Пребарувај по датум:
2025-11-05

Инклузија на бегалците во РСМ во здравствениот систем

Во период од 27-29.10 во х. Солферино,Струга се организираше национална работилница на тема ,,Подготвеност за епидемии и вонредни состојби” со акцент на инклузија на бегалците во здравствениот систем. Истата беше организирана од Црвен крст на РСМ-Црвен крст на град Скопје, а учесници беа вработени лица и волонтери кои работат на теми поврзани со здравствено-превентивна дејност и поддршка на бегалци и мигранти. Фокус беше ставен на вклучување на бегалците во процесот на задолжителна имунизација согласно националните прописи и програми, унапредување на пристапот до здравствени услуги за раселени и ранливи групи како и промовирање на пристап заснован на човекови права и активно учество на раселените лица во планирањето и спроведувањето на јавно-здравствени интервенции. Голема благодарност до Министерство за здравство за соработката и поддршката како и на Д-р Бранка Величковска Тенева која своите експертски знаења и искуства ги сподели на присутните. Работилницата е една од активностите поддржани од ИФРЦ во рамки на APEAL за поддршка на лицата од Украина.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.