2025-10-25

Помислете и на нас

ОКТА АД Скопје и оваа година, по шеснаесетти пат, ја потврди својата општествена одговорност преку поддршка на кампањата „Помислете и на нас“. Компанијата донираше финансиски средства со кои беа набавени пакети со прехранбени продукти, наменети за лица во социјален ризик.

Во рамките на кампањата, претставници од ОКТА го посетија Дневниот центар за лица со интелектуална попреченост „Пролет“, каде што заедно со корисниците поминаа ден исполнет со радост, дружење и многу насмевки.

Изразуваме голема благодарност до ОКТА за нивната континуирана поддршка и посветеност. Нивниот пример претставува вистинска инспирација во создавањето на подобро и похумано општество.

Принципи

Хуманост

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Единство

Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.

Универзалност

Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.

Доброволност

Тоа е движење за давање на доброволна помош кое не е инспирирано од материјални побуди.

Неутралност

Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.

Непристраност

Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.

Независност

Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.