Активност по повод 1 октомври -Меѓународен ден на старите лица
По повод 1 октомври -Меѓународниот ден на старите лица, ден кој служи како потсетник за значењето на грижата, почитта и активно вклучување на старите лица во сите општествени процеси, социјалната услуга ,,Дневен престој за стари лица за активно стареење’’ реализираше низа активности насочени кон унапредување на здравјето и правната едукација на лицата во трето доба.
На три локации во Скопје беа организирани информативни пунктови, каде граѓаните имаа можност бесплатно да проверат гликемија и крвен пристисок, со цел промовирање на програмските активности и социјалните услуги наменети за старите лица.
Покрај тоа, во соработка со Сојузот на здружение на пензионери на град Скопје, се одржа и предавање на тема ,,Заштита и остварување на имотно-правните права на старите лица’’. Голема поддршка во реализацијата на настанот дадоа и претставници од Македонското здружение на млади правници, кои на присутните им понудија корисни информации и одговори на прашања од правен аспект.
Ова предавање беше само почеток за понатамошни активности кои ќе овозможат интерни средби и индивидуални правни консултации за корисниците од дневните центри, со цел дирекна поддршка и поголема правна заштита на повозрасните лица.
