Заеднички настан со НВО за презентација на резултати од проектите финансирани од Австриското Министерство за социјални прашања
Црвен крст на РСМ- Црвен крст на град Скопје ги сподели резултатите од првата година на имплементација на проектот „Засилување на здравјето, пристапот, учеството и социјалната еднаквост во земјите на Западен Балкан“ финансиран од Австриското Федерално Министерство за Труд, Социјални работи, Здравство, Грижа и Заштита на потрошувачите и Австриски ЦК (SHAPE).
Пунктот за бездомници при Црвениот крст го посетиле вкупно 170 лица , од кои 110 мажи, 20 жени и 40 деца. На почетокот на 2025 година, истиот успешно се лиценцираи го доби потребното решение и дозвола за работа на други даватели на социјални услуги од страна на Министерството за социјална политика, демографија и млади (Дневен центар за бездомни лица).
Извршени се градежни активности во 10 селектирани куќи.
За време на посетите кај лекарот, беа обезбедени 7 754 парчиња аналгетици и редовна терапија. Дополнително, кај 88 лица беше измерен крвниот притисок. Сите бездомни лица добија совети за нивната здравствена состојба (вкупно 458 консултации). Медицински помагала – вклучувајќи очила, патерици, инвалидски колички и специјализиран медицински транспорт – беа обезбедени за 14 лица, заедно со придружба при лекарски прегледи во болнички установи.
Обучени се 22 културни медијатори за бездомници.
Реализирана студиска посета во Австрија.
Одржани се 902 консултации со социјален работник, при што беа посредувани 135 документи за остварување на права во областа на социјалната заштита.
Реализирани 102 стручни советувања со психолог/психотерапевт за процена и подобрување на менталната состојба на бездомните лица.
Организирани се 3 екскурзии и 3 работилници за здравствена превенција.
Дистрибуирани 32 509 парчиња облека, како и сапуни, шампони, пени за бричење и санитарни влошки.
Едукативни активности за 40 деца.
