Поддршка за социјална стабилност поврзана со домување
Во рамките на проектот „Засилување на здравјето, пристапот, учеството и социјалната еднаквост во земјите на Западен Балкан“ финансиран од Австриското Федерално Министерство за Труд, Социјални работи, Здравство, Грижа и Заштита на потрошувачите и Австриски ЦК реализирана беше компонента поврзана со реновирање на живеалишта на 10 семејства во социјален ризик.
Тимот од Пункт за бездомници на Црвен крст на град Скопје направи проценка и избор на семејства кои имаат најголема потреба од ваков тип поддршка, а потоа следуваше процесот на градежни работи и адаптација на нивните субстандардни живеалишта. Ова значаше превземање на градежни активности како менување на врати и прозори, молерисување, промена на кровна конструкција, поставување на под, уредување на купатила, средување на водоводна и одводна мрежа и сл.
По завршување на интервенциите, унапредени се основните животни услови на лицата, подобрена е нивната здравствена состојба и генерално унапредена е социјална стабилност поврзана со нивното домување.
Горди на промените, се надеваме дека ваквиот вид поддршка е добар пример за намалување на сиромаштијата и социјалната исклученост на најмаргинализираните категории корисници и унапредување на квалитетот на нивниот живот.
