Дружење во природа

За корисниците на дневниот центар „Пролет“, организирана беше еднодневна екскурзија во Градскиот парк со цел збогатување на секојдневните активности и поттикнување на социјализацијата и рекреацијата на корисниците. Настанот се одржа во пријатна и безбедна средина, со учество на корисници, стручни работници и негуватели.

За време на екскурзијата беа реализирани прошетка низ паркот, дружење во природа, игри и креативни активности на отворено. Корисниците имаа можност да се релаксираат, да развиваат вештини за соработка и да уживаат во непосреден контакт со природата.
Овој вид на активности придонесува за подобрување на психо-физичкото здравје, зголемување на самодовербата и поттикнување на позитивна групна атмосфера.

Екскурзијата е овозможена со поддршка од Министерството за социјална политика, демографија и млади, со цел унапредување на инклузијата и подобрување на квалитетот на живот на лицата со попреченост.