Пребарувај по датум:
2025-09-05

Програма за соработка помеѓу сектор за внатрешни работи Скопје и Црвен крст на РСМ-Црвен крст на град Скопје

Министерство за внатрешни работи на Република Северна Македонија, Сектор за внатрешни работи Скопје и Црвен крст на РСМ-Црвен крст на град Скопје, тргнувајќи од специфичните цели на претходно потпишаниот Меморандум за соработка, потпишаа Програма за соработка. Истата ќе се имплементира во периодот септември- декември 2025, со меѓусебна координација, во насока за зајакнување на досегашната соработка и зајакнување на капацитетите. Соработката ќе се темели на обуки и работилници, показни вежби и симулации, како и хуманитарни иницијативи во областите Прва помош, Подготвеност и дејствување при катастрофи, Социјално- хуманитарна дејност.

На денешното потпишување на Програмата, генералниот секретар на Црвен крст на РСМ г. Саит Саити, Секретарот на Црвен крст на град Скопје г-ѓа Сузана Т. Пауновска и г. Сашо Топаловски -началник на СВР Скопје, ја истакнаа важноста на оваа иницијатива, можностите кои се отвораат во перспектива како и бенефитот кој двете институции може да го имаат како позитивен импакт од продлабочената меѓусебна соработка.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.