ОДБЕЛЕЖУВАЊЕ НА СВЕТСКИ ДЕН НА СТАРИТЕ ЛИЦА 1 ОКТОМВРИ ,,СИТЕ СМЕ НИВНИ ДЕЦА’’
Социјалниот сервис ,,Дневен престој за стари лица за активно стареење’’ го одбележа -1 октомври – Светски ден на старите лица со поставување на информативни пунктови на три локации во Скопје: Автобуска постојка Зелен пазар, пазар Буњаковец и плоштад Сарај.
На пунктовите граѓаните можеа повеќе да се запознаат со услугата на овој сервис а можеа и бесплатно да измерат крвен притисок и гликемија. Пунктовите ги посетија вкупно 222 лица.
Во дневниот центар за стари лица во ООЦК Чаир сите корисници од трите дневни центри заеднички го прославија денот, а воедно прославија и 13 години постоење на социјалниот сервис ,,Дневен престој за стари лица за активно стареење’’.
Овие активности се од големо значење за лицата во трето доба за унапредување на нивниот квалитетен живот, како и активен пристап кон животот во староста.
