Прва психолошка помош при загуби и тагување

На 29.04.2024 во просториите на Едукативниот Тренинг Центар на Црвениот крст на град Скопје беше реализирана двочасовна работилница за прва психолошка помош при соочување со загуби и тагување. Работилницата беше наменета за 22 негуватели кои се вклучени во сервисот за помош и нега во домашни услови. Во текот на работилницата беа дискутирани типовите на загуби со кои корисниците би можеле да се соочат, нивното влијание врз добросостојбата, начини на кои се постапува при давање на прва психолошка помош и психо-социјална поддршка. На крајот од работилницата негувателите се стекнаа со две техники за релаксација. Оваа активност е реализирана со поддршка на Центарот за ментално здравје и психо-социјална поддршка при ЦКРСМ.