Превенција пред сѐ

Црвениот крст на град Скопје  во соработка со Општинска организација на Црвен крст Центар, а на барање на Гимназија Алгоритам на 27 март спроведе симулациона вежба “Евакуација на персонал во случај на земјотрес и пожар”.

Во реализацијата на оваа активност, свој придонес дадоа волонтерите од Тимoт за одговор при катастрофи со два тима кои симулираа пребарување, спасување и евакуација на повредени лица.

Целта на вежбата е проверка на процедурите за евакуација во самата работна организација како и спроведување на интерниот план за заштита и спасување од елементарна непогода.

На вежбата дадоа придонес  и преставниците на Полициска станица Центар.