Учество на меѓународна вежба
Во периодот од 18 до 22 март во с.Кучково беше организирана меѓународна теренска вежба на тема „ Гаснење планински пожари “ од страна на Европската комисија и Механизмот за цивилна заштита на ЕУ. Учесниците кои земаа учество во проектот за теренската вежба беа од Република Србија, Република Црна Гора, Република Словенија, Република Турција, Република Албанија, Република Косово и Република С.Македонија. Црвениот крст на Град Скопје – Тимот за одговор при катастрофи исто така беше дел од вежбата со поддршка на тимовите на терен, но исто така зема и активно учество во дел од сценаријата за санирање на повредите на повредените лица и нивно згрижување и понатамошно предавање на тимовите на ИМП. Преку организирање на вакви вежби се прикажува заедничката подготвеност меѓу земјите за запирање на натамошното ширење на пожарите и намалување на последиците од пожарите, како и помош и згрижување на повредени лица на терен.
