Младински камп
Во период од 24.06-30.06 во х. Солферино, Струга се оддржа летниот камп за активни младинци од Црвен крст на град Скопје и Црвен крст Телемарк, Норвешка. Целта на истиот беше разменување на искуства и идеи, но и зајакнување на капацитетите и дополнителна мотивација.
Деновите беа исполнети со многу забава, дружење, разни игри и едукација, а гостите имаа можност да ги видат и убавините на Струга и Охрид од кои беа посебно восхитени.
Исто така беше организирана и интеркултурна вечер каде беше промовирана културата на двете земји преку добра традиционална храна, песни и танци. Сите учесници со себе си понесоа прекрасни спомени, нови знаења но и многу нови пријателства кои се надеваме дека долго ќе траат.
Кампот е една од многуте активности кои се реализираа во рамки на Твининг програмата со Црвен крст Телемарк, Норвешка.
