Пребарувај по датум:
2022-06-21

Изборен процес во Црвен крст на град Скопје

На 16 јуни, во Хотел Мериот- Скопје, реализирана беше Изборно конститутивната седница на Собранието на Црвен крст на град Скопје. Во присуство на 23 делегати и гости на седницата, избрани беа раководните органи во организацијата за мандатниот период 2022-2026 година.

За претседател на Собранието на Црвен крст на РСМ- Црвен крст на град Скопје во мандатниот период 2022-2026 год. е избран Др. Стефан Тодоров, а за потпредседател е избрана Ајтен Кадриу.

На седницата беа избрани членови на Раководниот одбор на Црвен крст на РСМ- Црвен крст на град Скопје во мандатниот период 2022-2026 год., членови на Собранието на Црвен крст на град Скопје како и претседател и членови на Финансиската Комисија.

Честитки до сите новоизбрани членови кои во наредниот период ќе дадат поддршка во реализација на хуманата мисија на Црвен крст на град Скопје, со цел помош и поддршка во заедницата, а воедно благодарност до претходните раководни органи кои дадоа придонес во работењето и развојот на организацијата.

Принципи
Хуманост
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Единство
Во една држава може да има само едно национално друштво на Црвениот крст или Црвената полумесечина. Мора да биде отворено за сите и да ја извршува својата хуманитарна работа на целата територија во земјата.
Универзалност
Меѓународното Движење на Црвениот крст и Црвената полумесечина, во кое сите друштва што го сочинуваат имаат еднаков статус, одговорности и должности взаемно да се помагаат, делува во целиот свет.
Доброволност
Тоа е движење за давање на доброволна помош кое не е инспирирано од материјални побуди.
Неутралност
Меѓународното движење на Црвениот крст и Црвената полумесечина настана како резултат на желбата да им се помогне на ранетите на бојното поле и тоа без било каква пристрасност, како и да го спречи и олесни човековото страдање секогаш кога е тоа можно.
Непристраност
Не прави дискриминација врз основа на национална, расна, верска и класна припадност или политичко убедување. Настојува да ги олесни страдањата на поединците, водејќи се исклучиво од нивните потреби но, давајќи приоритет на најитните случаи.
Независност
Движењето е независно. Националните друштва иако делуваат како дополнение на хуманитарните служби на владите и се предмет на регулирање на националното законодавство, мораат да ја зачуваат автономноста за да можат да дејствуваат во секое време, согласно со принципите на Движењето.